El Camino del Mar aprobado por unanimidad en el pleno de la Diputación Provincial de Lugo

El Camino del Mar aprobado por unanimidad en el pleno de la Diputación Provincial de Lugo 

Aprobada por unanimidade unha proposta do Grupo Provincial Socialista para solicitarlle á Xunta de Galicia que recoñeza o carácter oficial como ruta Xacobea do coñecido como Camiño do Mar, que discorre polos municipios de Ribadeo, Barreiros, Foz, Burela, Cervo, Xove, Viveiro e O Vicedo, e prosigue polos coruñeses de Mañón, Cariño, Ortigueira, Cedeira, Valdoviño e Narón ata Neda.

 

A Deputada María Loureiro asegurou que esta “é unha nova mostra de desidia do Goberno autonómico cos municipios da Mariña, porque hai 10 anos que dende a Deputación instamos por unanimidade a que se fixera este recoñecemento e tamén houbo outra iniciativa no Parlamento que se aprobou co apoio de todos os grupos no mesmos sentido. Unha década despois non se fixo nada”. Loureiro engadiu que “este recoñecemento serviría para reactivar a economía dos municipios que está tan afectada logo dunha etapa difícil e que lle permitiría entrar nos fluxos turísticos do Ano Santo”.

Esta oficialización, explicou a Deputada, serviría como unha ferramenta de modernización e dinamización do turismo tanto de pegada nacional como internacional. “É o momento de implicarse coa comarca, sería un xesto moi acaído e necesario para apoiar o turismo e a cultura dos concellos mariñáns, que están atravesando momentos moi difíciles pola Covid-19 e pola situación de Alcoa”, manifestou Loureiro. 

Noticia Publicada